Nor gara?

Fansub bat gara. Anime, manga eta japoniar kultura zaleak. Japoniar edukiak azpitituluen bidez euskaratzen ditugu.

Izatez, webgune honetan, orain arte euskaraz azpititulatuak izan diren anime-manga guztiak biltzen ditugu. Baita EuskoManga sortu aurretik egindako materiala ere.

Gustatuko litzaizuke zerbait euskaratzea? Jakizu oso lan erraza dela, edonork egiteko modukoa. Ez duzu inolako jakintzarik behar, eta zalantzarik baduzu geuk azalduko dizugu. Hori bai, lan honek denbora kontsumitzen du. Baina lana atsegin baduzu gustora egiten da. Inor ez da zure gainean egongo lan egiteko esanez, nahi duzuna egin dezakezu eta nahi duzunean. Zeu zara zeure buruaren jabe bakarra!

Animeari dagokionez, hona hemen tutorial sinple bat zein programak erabili jakiteko: Tutoriala

Bestalde, japoniera hizkuntzarekin lotutako zalantzaren bat baduzu, egoninobi laguntzeko prest izango duzu.

Webgunearen sortzaile eta eramaleak admin eta egoninobi gara. Azken honek itzulpenak ere egiten ditu. Bestalde, ekarpen handiak egin dituzten beste hainbat erabiltzaile ere izan ditugu: danbo, sogeking, markel, martxin eta arsenicum besteak beste. Mila esker denoi, zuek gabe ez ginateke ezer!